የ12ኛ ክፍል ውጤትን ለማላቅ ስትራቴጂ አዘጋጅቶ ወደ ተግባር መግባቱ የሚበረታታ አሰራር መሆኑን የአገልግሎት አሰጣጥ መማክርት ጉባኤ ስራ አስፈጻሚ ኮሚቴ አባላት ገለጹ።

---

መማክርት ጉባኤ ስራ አስፈጻሚ ኮሚቴ አባላት የአዲስ አበባ ከተማ አስተዳደር ትምህርት ቢሮ የ12ኛ ክፍል ውጤትን ለማላቅ ያዘጋጀው ስትራቴጂ አካል ሆኖ በክላስተር ደረጃ እየተሰጠ የሚገኘውን የማጠናከሪያ ትምህርት አተገባበር በተወሰኑ የክላስተር ማዕከላት ተገኝተው ተመልክተዋል።

የአዲስ አበባ መምህራን ማህበር ፕሬዘዳንት እና የአገልግሎት አሰጣጥ መማክርት ጉባኤ ስራ አስፈጻሚ ኮሚቴ ሰብሳቢ አቶ ድንቃለም ቶሎሳ የአዲስ አበባ ከተማ አስተዳደር እና የኢትዮጵያ  ተማሪ ወላጆች ማህበር ፕሬዝዳንት የአገልግሎት አሠጣጥ መማክርት ጉባዔ ፀሃፊ አቶ ሀሠን ሺፋን ጨምሮ የመማክርት ጉባኤው ስራ አስፈጻሚ ኮሚቴ አባላት በየካ ክፍለ ከተማ በኮከበ ጽበሀ ፣ በጉለሌ ክፍለ ከተማ በመድሐኒያለም እና በአራዳ ክፍለ ከተማ በካቴድራል 2ኛ ደረጃ ትምህርት ቤቶች ክላስተር ማዕከላት ተገኝተው የማጠናከሪያ ትምህርቱ አሰጣጥ አገልግሎት ምን እንደሚመስል በመመልከት ተማሪዎችን አበረታተዋል።

የአዲስ አበባ ከተማ አስተዳደር ትምህርት ቢሮ በ2018 ዓ.ም የ12ኛ ክፍል ውጤትን ለማላቅ ስትራቴጂ አዘጋጅቶ በክላስተር ማዕከላት የመንግስት እና የግል ትምህርት ቤት ተማሪዎችን በጋራ ብቃታቸው በተረጋገጠ መምህራን የማጠናከሪያ ትምህርት የሚማሩበትን እድል ማመቻቸቱ የሚበረታታ ተግባር መሆኑን የመማክርት ጉባኤው ስራ አስፈጻሚ ኮሚቴ አባላት ጠቁመው ስትራቴጂው በሚፈለገው ደረጃ ውጤታማ እንዲሆን ተማሪዎች እና ወላጆችን ጨምሮ ሁሉም ባለድርሻ አካል ኃላፊነታቸውን በአግባቡ እንዲወጡ ጥሪ አቅርበዋል።

.